樂隊Mr.偶像多多，同公司的校長譚詠麟、陳奕迅及謝安琪自然是崇拜的前輩兼好友，Mr.感激他們一直以來的支持：「係校長親自同老闆講：『我介紹啲筍嘢畀你，一定掂！』當時我哋仲以為佢講笑，點知真係簽咗，估唔到校長咁記得我哋！」Mr.與陳奕迅亦很有淵源，最近更獲對方邀請，為其內地巡迴演唱做樂手：「呢個係好難得嘅機會，佢好玩得又夠癲，仲唔介意去我哋個細Band房一齊Jam。」對於謝安琪，Mr.大讚她是個充滿母愛的人：「佢有種令人抗拒唔到同佢傾心事嘅魔力！」
除了公司同事外，成員Dash亦非常欣賞資深音樂人鄧建明：「佢係香港首席結他手，佢哋成日話我似『少年版鄧建明』！崇拜佢係因為佢係個好簡單又好Rock嘅人，完全唔似香港藝人，又可以將鍾意嘅嘢變成職業，好勁！我依家幫佢手搞結他騷，到時佢仲會唱Mr.啲歌。」