演而優則唱

現年29歲的張繼聰從小到今曾拍攝超過一百套電視劇、電影及廣告，包括《香江歲月》、《晴天雨天孩子天》與《CYC家族》等。畢業於演藝學院的他也演出過多部舞台劇包括《慾望號街車》，投身樂壇後亦出過多張唱片，最後更娶得謝安琪這位靚老婆。

林憶蓮

Louis：「好記得同憶蓮影呢張相，當年大球場仲未裝修，喺音樂會嘅後台見到佢，當時佢係最紅嘅女歌手，所以搵佢影合照！印象中嘅憶蓮好Nice，講嘢好斯文，把聲好好聽。可惜一直冇機會合作。」

杜麗莎

Louis：「88年同杜麗莎、吳國敬結台緣，當時杜麗莎做女魔王，我細細個已經知道佢唱歌好勁，雖然佢個角色好奸，但台下就好好人，當我係仔女咁錫，大咗之後都見過佢一次，但因為怕醜唔敢同佢傾偈。」

吳國敬

Louis：「佢係樂壇第一個玩Rock嘅歌手，覺得佢好靚仔，長頭髮又型又不羈，唱歌好勁。」

吳國敬	黃凱芹	羅慧娟

黃凱芹

Louis：「我好鍾意黃凱芹，佢嘅廣播劇好受歡迎，之後仲有機會合作！佢好錫我o架！記得有一年生日會佢都有嚟同我慶祝，仲送咗份禮物畀我，我記得佢好有教養，對我父母好有禮貌。」

羅慧娟

Louis：「佢喺劇中扮演媽咪，但嗰時佢好後生，我覺得呢個姐姐好靚，同佢做戲好尷尬，怕面紅唔敢望佢。（荳芽夢？）唔係！只係覺得佢好Nice，鏡頭前後一個樣。」

文：音樂組