傳與李思捷撻着的「美味天使」春卷王宝宝，代表香港參加《第21屆世界模特兒小姐大賽》，昨晚她本要出席在福田香格里拉酒店舉行的《首地．容御一見難忘大獎》晚宴，但她於午餐後不適送院，出院後留在酒店休息，被迫缺席。
記者前往酒店探望，一臉病容的她說：「食完嘢之後好唔舒服，嘔咗兩次，仲頭暈同流鼻血，後來喺醫院又嘔過，醫生話我疲勞過度，叫我照腦同抽血，但我推咗，因為覺得冇咩事。」她透露近日進行密集式訓練，每天只睡5小時，問到李思捷會否心痛，她說：「佢唔知我入院，我冇通知佢，因為大會規定我哋啲電話唔可以打出，只可以打入。」
