佘詩曼（阿佘）與李嘉欣昨日分別現身馬場，阿佘主要陪老闆而來，而嘉欣則在老公許晉亨陪同下，撐老爺許世勳的愛駒「創惑」，可惜「創惑」跑尾二，嘉欣全家對記者提問都笑而不答。反之「視后」大熱阿佘則旺爆，她傍實跑第三名的「睡得好」馬主許章榮，贏得一萬大元！繼在台慶贏得二十萬獎金獎品後，昨日又贏錢，可謂好運逼人，奪「視后」有望！
阿佘所撐馬主是其代言公司的老闆，老闆娘亦同場，她表示老闆和老闆娘都很錫她，所以每逢代言公司有活動都會出席，她說：「佢哋公司連續同我續咗五年約，所以佢哋有馬出賽，叫我到我當然到，仲自己扲荷包買咗五千蚊位置，我唔識賭，但最後隻馬跑第三，我贏咗一萬蚊！」
