張智霖（Chilam）前晚在活動上表示，最近正式投入拍攝無綫新劇，要兼顧拍劇及唱片宣傳，非常忙碌！提到無綫舉辦的《萬千星輝頒獎典禮2009》將於下月4日舉行，太太袁詠儀（靚靚）將會跟鄧萃雯、佘詩曼及楊怡等競逐「最佳女主角」大獎，Chilam即笑言「視后」獎項只是輕於鴻毛，貴為影后級的靚靚毋須由「大學重返小學」爭獎。

出口術幫手拉票

問到會否支持靚靚？Chilam竟說：「如果TVB肯頒個視后畀佢，我實行批個頭落嚟當櫈坐，再免費幫佢拍十年劇集。（你都冇頭點拍劇？）拍套《無頭東宮》囉！」他還表示深明無綫頒獎禮的遊戲規則，「外人」只可以助興：「我自己從來都唔諗咩視帝，簡直係妄想，其實都好合理吖！如果個台係我嘅，我都會咁做，有錢都留番畀自己個仔啦！」

此外，忙爆的Chilam坦言沒有收看靚靚主演的劇集《富貴門》，但會錄影或稍後買DVD支持。對於有傳劇集收視麻麻，他說：「收視呢啲嘢輕於鴻毛，好多人都會上網睇，同埋套劇成40集咁多，我覺得會有後勁！」