前晚出席阿Sa及William生日派對的嘉賓眾多，部分賓客還出盡法寶悉心打扮，以迎合Rock的主題！阿嬌化身美國小天后Lady GaGa，身穿外套及長褲、戴了紮有蝴蝶結的金色假髮，昨日凌晨匆匆趕到，由於她趕住切蛋糕，未有停步便急腳上樓。及後阿嬌無懼寒流，脫去外套接受訪問，由於她只穿斜膊上衣，露出香肩，她笑言是「Lady嬌嬌」，問到有否喝酒？她說：「我飲咗一啖香檳，因為我冇飲酒好耐！（送Birthday Kiss？）有呀！」

阿嬌的造型激似Lady GaGa，蝴蝶結頭飾如出一轍，十分搞嘢！

Lady GaGa 資料圖片

Kenny封阿Sa「中女」

至於關智斌（Kenny）的打扮亦盡見心思，除身穿豹紋外套外，更畫了眼線、染了啡金髮、塗了黑色指甲油及戴上長銀鏈，造型妖爆！Kenny笑指壽星女阿Sa雖步入「中女」階段，但他們經常分享心事，問到有否談及鄭中基？他即說：「我收埋佢好多秘密！不過佢嘅組織能力太低，有時真係唔知佢講乜！」

提到好友張敬軒的菲傭「走佬」，Kenny亦有所聞：「我聽佢講過！（你去做『斌』仔？）我唔識做家務喎！不過有需要嘅話，而佢又出到2千蚊一個鐘就去幫囉！」他表示軒仔為人太好，太易相信人：「人哋叫佢畀多一個月糧佢又畀，成日唔使人做嘢，打佢工真係好舒服！」

文、攝：專案組、影視組