昨日27歲生日的蔡卓妍，與前日剛滿24歲的陳偉霆，前晚於中環舉行生日派對，英皇老闆楊受成偕同太太、高層吳雨及霍汶希、容祖兒、鍾欣桐（阿嬌）、鄭希怡、關智斌、吳浩康、泳兒、洪卓立、詩雅、湯怡、周麗淇、Mr.、HotCha及孫耀威等到賀，星光熠熠，吸引不少途人及Fans湊熱鬧在會場樓下圍觀！

楊受成夫婦及吳雨抽空出席派對。	吳雨	陳偉霆（右二）獲贈跑車蛋糕，祖兒（左二）更拿他與Baby的緋聞開玩笑。

派對以Rock為主題，兩位壽星及多位賓客也悉心打扮，雖然阿Sa的緋聞男友鄭中基及William緋聞女友Angelababy，同樣因工作在身未有到賀，但無損兩位壽星靚爆心情。

放大圖片	未有Baby陪伴的陳偉霆，相約表弟(圖左)出席派對。	陳偉霆不時按實其假髮，免得Fing甩，相當搞笑。

壽星女阿Sa畫了黑色眼線、搽黑色指甲油、身穿有窩釘的牛仔外套及短靴，雙手戴滿銀器，以Rock女造型亮相，搖滾味十足！對於鄭中基並沒現身，她說：「佢有工作唔喺香港嘛！」之後便匆匆入場！而她昨日談及生日派對時說：「玩到三點幾，好多禮物都未拆，不過關智斌真係好靚仔，我成晚都追住佢嚟攬，一早瞓醒就即刻諗起佢！」

承認私下慶祝

而壽星仔William一頭「粟米大爆髮」、骷髏圖案頭巾、兩臂穿了紋身手袖，化身尊尼特普的魔盜王Crossover爆粗Band友的造型，Rock爆全場，贏盡掌聲，連阿嬌亦送上Birthday Kiss給他。他表示是髮型師及化妝師送贈的賀禮，又笑說：「Mani（霍汶希）話唔夠Rock，要罰400蚊入場費。」雖然Baby沒有到賀，但William依然風騷，還隔空傳情：「佢要工作唔得閒。（佢嚟會仲開心？）梗係。」他又表示稍後會約Baby私下補祝，Sweet到爆！問到Baby送了甚麼賀禮？他笑說：「未送，冇所謂啦！心意啫！（送個人畀你？）唔好，太大份。」

文、攝：影視組、專案組