曾志偉、張學友、鍾嘉欣與鄧麗欣（Stephy）等，昨日到邵氏片廠出席電影《72家租客》開廠拜神。該片斥資逾六百萬元搭建1:1的「西洋菜街」。席間志偉踢爆學友太投入角色：「好似上身咁，賤賤哋！」學友說：「我（賤格）係有背景，我後生係林峯、志偉後生係側田，一齊爭袁詠儀，但佢竟然揀志偉！你話幾大打擊？心理唔平衡！」
Stephy想將新書贈戲中「老竇」張學友，惟學友嘆冇書緣：「睇幾頁就瞓着！」演日本AV副導演的她，其閨房要貼滿男女交歡圖、以及性用具隨處放，更將胡杏兒及蒼井空合成照當道具。而志偉透露所有演員將拍結局的大型歌舞，談到排位，他說：「冇得爭，因為係我排！」
