昨日「模Art」Janice Man擔任JF81開幕活動嘉賓，她自爆為趕戲已超過七十二小時沒有睡覺，但現場所見她並未流露出半點疲態，她說：「我挑戰人體極限呀！已經三日冇瞓過覺，即將踏入第四日，其實搭車時都有瞓吓嘅，不過咁多日夾埋都係瞓得四個鐘咋！就算未埋位都唔敢瞓，因為一瞓完個人就會浮腫咗。為咗提神，只好食嘢，一有時間就不停食。」
至於可有請教老闆黎明提神妙法，她說：「我見佢打機，一有時間就個個拎部機出嚟對戰。」Janice又表示與衞蘭拍戲周身傷：「我哋成身瘀晒，因為要拍啲跌跌撞撞嘅鏡頭，雖然墊定Pat，不過跌嘅時候唔中Pat，撞到啲骨，我依家先知拍戲嘅人真係要付出好多。」至於男友有否因而心痛？她表示一星期沒有見過男友和家人。