被封為「o靚界女神」的Angelababy，除了兼顧日本模特兒工作外，又要飛往上海橫店拍攝電影《花田囍事2010》，在香港時間少之又少，難怪多次傳出她與緋聞男友陳偉霆（William）的感情出現問題。繼早前傳出Baby與同門混血師弟James撻着，令她與William出現分手危機後，雖然表面雨過天青，但近日有消息指William曾力追Janice Man不遂，繼而離間她與Baby的感情，令好姊妹反目，更導致戀情再現裂縫。

對於有指William力追Janice Man的報道，身在日本的Baby不但沒有不悅，更在日本雜誌露出低腰敏感位置的十字架「愛的紋身」，大晒情未變之外，更越洋在電話上力撐William，她說：「嗰陣Janice Man已經有男朋友，William點會追佢呢？睇完得啖笑。」實行隔空向男友派「定心丸」。

嚴選禮物贈愛郎

當問到怎樣慶祝William生日時，Baby表示會Send SMS祝福對方：「返嚟會專登揀一份適合佢嘅禮物送畀佢。」難怪最近在雜誌上的Baby，不論姿態及表情都特別誘惑吸引，相信緋聞男友已收到她預早送出的禮物。

今天正是William的24歲生日，雖然緋聞女友Baby仍要在日本工作，但他體貼地說：「唔會失望，工作緊要，返嚟會補祝生日。（最想Baby送咩？）木村拓哉嘅簽名。」對於有指曾追求Janice Man，他表示不是事實故不會回應。