臨近年底，大家期待嘅聖誕節又就快到，最近小小So遇到模特兒諸葛梓岐（Marie），佢話好鍾意聖誕，但就一定唔會喺香港過，因為佢好怕凍，每年冬天佢都要去溫暖嘅地方，仲話最好唔使返工做嘢，可以冬眠咁話。至於今年聖誕就梗係同男友甜蜜外遊，但地點就未定。
Marie仲講起以前嘅趣事，佢好鍾意聖誕樹，聖誕樹其實即係松樹，以前喺北京嘅House出面會叫媽咪種滿松樹，但佢好堅持叫松樹做聖誕樹，如果人哋話係松樹，佢仲會即刻更正，久而久之連附近嘅鄰居都叫Marie屋企所種嘅樹改口叫聖誕樹，認真佩服佢嘅可愛同執着！