扮鬼臉可能人人識，但數到獨特奇招，女歌手范萱蔚（Percy）深藏不露的「貓鬚嘴」，亦可算是能人所不能！Percy說：「好多朋友問我係點樣練番嚟，又叫我教佢哋，不過都冇人學得識，所以我諗應該係天生嘅！」
Percy大談「貓鬚嘴」的「好處」，笑言感激母親賜予另類才能：「成班人如果要扮鬼扮馬影相嗰陣，就真係大派用場㗎！一嚟夠晒特別，二嚟又唔會太醜樣！」她又表示當遇上朋友不快時，要令朋友再展笑顏，「貓鬚嘴」更是「萬試萬靈」：「呢個『貓鬚嘴』真係唔錯㗎！簡直係『送禮自奉』都得，就算唔係有人唔開心，可能有時一大班人有冷場嘅時候都可以氹吓人嘛！」Percy搞笑地表示隨年月增長「貓鬚嘴」已買少見少：「依家都少咗整喇！驚整整吓唔使刻意做，都真係多咗幾條皺紋咁點算？始終女仔都貪靚嘛！」