17/11/2009

播放本新聞相關短片

祖兒自嘲勞碌命無緣中獎

本文重點
容祖兒自嘲冇中獎命,前晚出席活動時未有趁機購買「紀念馬票」,更懶理雙膝傷患,照穿五吋高踭鞋靚爆出場。

前晚,祖兒與許冠傑(Sam)應邀擔任《香港賽馬會125週年賽馬日》表演嘉賓,祖兒更腳踏5吋高踭鞋站在高爾夫球車上冒雨演唱,邊唱邊向觀眾揮手,唱到尾聲時音樂突然停止,經驗十足的她未受影響繼續唱。

問到不理傷患再着高踭鞋,貪靚的祖兒笑說:「唔驚!轉頭我就會換番對普通鞋,因為想襯呢條喺美國買嘅白色裙,都係想襯靚啲啫!」提到打頭陣出場,祖兒說:「冇所謂啦!今晚得我同阿Sam兩個演出啫!」

祖兒表示今次並非首次到馬場表演,問到可有購買「紀念馬票」測試賭運,她說:「冇買呀!我都唔知乜嚟!(中咗會有1,250萬足金喎?)嚟到都冇得買啦!我知以前嘅人會約埋一齊對馬票,但我冇抽獎命,就算抽把遮,都唔會有我份!以前我唔醒覺,仲抱好大希望,依家冇囉!知道係勞碌命,我有朋友嘅朋友中過逾千萬,買地又買樓!」祖兒坦言以前曾與同事夾份買六合彩,現在同事也不肯預她。

阿Sam與兒子Jam歌

另外,同場的阿Sam穿上桃紅色豹紋騎師Look出場,他說:「相信我係史上最高大嘅騎師,今次我係第一次嚟馬場唱歌!」而他獻唱《最緊要好玩》及《半斤八両》時,兒子懷欣及懷谷在台上伴唱。

音樂組