好想變做好人

拍電影出身的陳豪，首部電影是港人熟悉的《晚九朝五》，當時年少氣盛，還以為自己必成影帝之選，誰知過後又是做回茄喱啡：「其實我浮沉咗好耐，最初拍戲係為咗錢，後來真係鍾意演戲，可惜永遠做壞人，我問導演幾時可以做好人？導演反問我：『個個都想做好人，邊個做壞人？』」

陳豪自言沒有感情生活是騙人的，只是不想高調。	放大圖片	陳豪演技毋庸置疑，但背後血汗鮮為人知。資料圖片

藝人大多表面風光，今日不知明日事，陳豪試過半年沒戲開零收入，手停口停，他需要借貸度日，亦曾轉行做櫥窗設計，後來輾轉經朋友介紹入電視台：「99年正式加入TVB，當時人工好低，但唔知點解覺得好開心，因為有種安全感。以前拍戲就唔同，今日食緊呢碗飯，唔知聽日仲有冇得食？所以要好拚搏，就算做好多危險動作都唔敢出聲，試過拍打戲，導演話要真係打落去先逼真，拍完之後我半邊屁股瘀黑色；拍碌落山嘅戲，導演嫌碌得唔夠，仲要淋啲水喺草地上。」

沒有苦那覺甜

皮肉之苦還不及心靈遭踐踏來得疼痛，陳豪慨嘆電影圈階級分得特別清楚，想知道誰是男主角，看看周遭的嘴臉便可以洞悉：「做主角服侍梗係唔同啲，如果你係二打六，想搵個位坐都要自己擔櫈，想飲水，茶水阿姐會叫你自己斟，真係好現實！正如記者都只係會訪問紅嘅藝人，呢個圈嘅規則係咁，不過自己感受過，會特別深刻！」陳豪感激曾經歷的，因為沒有過去，就沒有現在的他；有過去的苦，才體會到今天的甘甜！

首位雙料視帝

陳豪於07年憑電視劇《溏心風暴》榮膺視帝，當年的「得得哋」一角深入民心，更同時奪得「我最喜愛電視男角色」，是首位雙料視帝，認真巴閉，風頭更是一時無兩！而早於02年他亦奪得台慶的「飛躍進步男藝員獎」，可見演技一直進步，備受認同！今年亦再憑熱爆劇《宮心計》競逐視帝，硬撼「柴九」黎耀祥。