因與陶喆拖啜而上位的Zoey認彼此交情非淺，但與對方傳緋聞後，對其印象大打折扣：「本來我畀佢80分，依家得70分，因為我睇咗啲報道先知佢咁花心！」雖然她沒有直指陶喆是溝女王，卻大爆對方有不少冧女絕招，每逢出席聚會均成為女士崇拜目標：「佢鬼仔性格，好易同人Baby前Baby後！而且佢對個個女仔都好好，成日畀Advise（忠告）人，令女仔崇拜佢，加上佢又幾Gentleman，出親嚟食飯都會幫啲女仔拉櫈同幫佢哋鋪餐巾。」

Zoey力數陶喆的缺點，指他自我中心及大男人。	放大圖片	岑潔儀最近轉做Model，希望可同時兼顧電視及模界發展。

希望斷絕緋聞

爽直的Zoey同時指陶喆除了「多女圍」令女士卻步外，本身亦有不少缺點，故覺得他不是做男友的好選擇：「佢份人都幾自我中心，可能因為佢有番咁上下成就啦！而且好貪玩，太鍾意飲酒，而且鍾意幫身邊啲人安排嘢，好大男人。」雖然得陶喆帶挈增人氣，但Zoey希望跟對方劃清界線：「我唔想啲人以後再用陶喆緋聞女友形容我，我希望大家記得我係Zoey或者Rosemary師妹。」

異性緣不俗的Zoey亦在交友網站Facebook內上載不少與明星的合照，似乎對情歌王子情有獨鍾，其中一張是身穿白色上衣的她，擺出一臉冧樣與曹格合照，另一張則是與體操王子李小鵬及友人合照。至於有傳無綫演員梁俊軒（Bonald）才是Zoey的正印男友，該批相片中亦有其蹤影。

數冧招

1.陶喆鬼仔性格，好易同人Baby前Baby後，咁樣好易惹人誤會！

2.佢對個個女仔都好好，成日畀忠告人，好似大夫咁周圍幫人醫治奇難雜症，所以啲女仔都好崇拜佢！

3.佢幾Gentleman（紳士），出親嚟食飯都會幫啲女仔拉櫈同幫佢哋鋪餐巾，所以出親嚟都好多女仔圍住。

數缺點

1.陶喆份人幾自我中心，可能因為佢有番咁上下成就啦！

2.佢好貪玩，太鍾意飲酒！

3.太鍾意幫身邊啲人安排嘢，搞到好大男人咁，呢樣我都唔係咁喜歡。