剛榮升楊長智太太的關心妍（Jade），被網友數臭冇品、冇禮貌、愛出位兼講大話，懷疑是婚禮的「兄弟團」所為。記者致電Jade求證，她心平氣和地說：「應該唔會係兄弟嗰邊做，大家年紀比較大，相信朋友唔會咁無聊。」對於被插冇品，她說：「識我嘅人知道我係點，啲人咁攻擊我，我控制唔到，但都好多謝佢，可能我有缺點要改，可能冇品、冇禮貌，我會檢討自己！」她表示心情不受報道影響，並透露下周將宣布加盟星娛樂，取代已離巢的關淑怡。