郭富城

郭富城生日，緋聞女友王秀琳風騷表示給城城的祝賀短訊，獲極速回覆，搞到城城終於出口遏止緋聞，絕情地直言「王小姐唔係我緋聞女友」，更表示對方「諗多咗」！

解讀：女方借緋聞出位太着迹，城城連「杧果」亦不欲提起，一聲「王小姐」已成功劃清界線！

熊黛林

男友郭富城澄清與「杧果」關係，熊黛林當然飲得杯落，被問到與城城關係是否雨過天青，她妙答：「不嬲天氣都好好！」

解讀：勝利者果然係勝利者，天氣好不特止，還心花怒放！

王秀琳

被郭富城界定為「普通朋友」的王秀琳，暗示傳媒是緋聞源頭，她說：「我冇講過乜，呢個係個大誤會，令郭生諗多咗！」順便反寸城城一下！

解讀：硬食郭富城大大個檸檬，王秀琳惟有諗計遮醜，拿了對方的「諗多咗」回應，效果不俗！

尹子維貝安琪

尹子維在夜店啜爆舊緋聞女友貝安琪，女方先否認，其後改口風認激咀，並把對方視作哥哥：「當時有Mood！可以諗吓做男友，我覺得佢幾靚仔。」

解讀：貝安琪雖然當尹子維係哥哥，但原來Mood到就可以咀喎！男歡女愛嘅關係認真離奇﹗

李嘉欣

李嘉欣被追問生仔，坦言冇計劃造人，並笑說：「結婚誓詞包括每日生活開心，但冇包話有下一代。」

解讀：記者都係想戥你高興，要搬到結婚誓詞出嚟，都無話可說！

許瑩

出爐亞洲小姐冠軍許瑩被問到喜歡哪位藝人，她竟選了無綫親生仔黃宗澤：「他很帥，喜歡看他的戲。」

解讀：咁樣幫對家宣傳，唔知亞視高層好嬲定好笑？