前晚izzue舉行十周年派對，吸引黃偉文、謝婷婷、Rosemary與趙嘉懿等捧場，偕形象指導前來的江若琳表示，近日忙於操Fit：「最近請咗個私人健身教練幫我Train肌肉，所以啲肌肉會脹，但隔幾日就冇事。（男定女？）梗係女啦！要揭開我肚皮睇吓我啲肉，一定要係女！」問到為何突然操練，她說：「嚟緊會出碟，主打快歌，會露肚皮同着超短裙，所以要Keep吓！我練咗兩堂已經上癮，依家每日要做個幾鐘運動先舒服，同事都驚我走火入魔！」問到能否趕及頒獎禮前推出，她說：「啱啱趕得切，我隻碟有好多嘢送㗎！（攬枕？）咁又冇，有寫真，不過唔會露肉。」

收身成功的陳見飛，以性感打扮騷香肩。	樂基兒在萬聖節玩制服誘惑，怎料被老公黎明嫌棄！	婷婷打算前往雲南，陪男友安志杰過聖誕。

樂基兒扮女僕被嫌棄

同場的樂基兒早前被拍得以女僕造型慶祝萬聖節，問到老公黎明有否讚她扮相可愛，她笑說：「佢話：『唔該你行遠啲！』又話咁着會唔會畀人笑！」她還透露將返美過聖誕，未知老公會否同行。