佘詩曼（阿佘）、鄭嘉穎、陳豪、葉翠翠及關菊英等前晚出席《宮心計》祝捷晚宴，提到聖誕是搵銀黃金檔期，阿佘說：「我有兩套劇在身，預算會搵少7位數字，不過錢係搵唔晒嘅，開心就得！」對於有指鄭嘉穎為爭獎兼掃霉氣而到泰國拜四面佛，她說：「我以前都有拜，不過唔會問卜！（想唔想佢攞獎？）邊個攞都開心！（嘉穎迷信？）唔知喎！都係祈福求平安啫！」
至於嘉穎則坦承已連續兩年拜四面佛，但強調不是求獎，問到是否掃霉氣？他說：「煤氣公司咩！我屋企用石油氣！（阿佘撐你唔霉？）係咩！寫吓寫吓咪唔霉囉！」而關菊英再被拍到與同性密友行街，她坦言開心：「不過好友唔係圈中人，有啲無奈囉！」謝雪心的醫生老公亦被起底，她說：「佢好低調，初時復出我應承唔會影響到佢！」