人氣歌手陳柏宇（Jason）嗰頭先話宣傳新碟，呢頭小小So又聽到佢話忙緊籌備去北京錄音，仲話應該喺今個月會再出新碟，以現今嘅唱片巿道，可以喺短短半年間乘勝追擊，認真難得！
小小So：成績咁好，有冇諗住買樓獎勵吓自己呀？
Jason：真係有咁嘅目標㗎！
小小So：睇中咗邊度先？
Jason：冇啦！有心冇力，又要交租畀雜費，邊有錢畀首期！
小小So：問公司借囉，反正都係要交租！
Jason：嗯！真係有得諗喎！仲可以由公司自己慢慢扣番！
小小So：係呀！公司仲唔會放棄捧你添！佢唔驚你冇錢還呀？
Jason：哈哈！多謝你個咁好嘅提議，等我返去問吓公司先！