張學友、廖碧兒（Bernice）及黎耀祥前晚拍攝新片《72家租客》，劇情講述租客為反對加租而開大會，當中哨牙Look上陣的Bernice，更因被追租而淋得一身紅油，造型嚇人，連學友都認不出她！Bernice坦言每次要花個多小時化妝，問到可覺得很醜？她笑說：「好靚喎！頭先學友都認唔出，好得意！（辛苦？）藐嘴都冇人覺！」
至於戴假髮的學友，亦大讚Bernice的化妝出色。問到可有被曾志偉糟質？他笑說：「本來袁詠儀飾演我老婆，開拍前變咗志偉老婆，呢啲咪以權謀私囉！尋晚仲加咗場淋墨水嘅戲畀我，佢係監製又係導演，我惟有反省吓係咪得罪過佢！」
