何守信早前到非洲拍攝無綫特輯《活著》，因叉錯腳導致骨折，昨日他坐輪椅與宣萱及徐子珊出席記者會，席間他突然站起來說：「其實已經好咗9成，遲啲可以緩步跑同做運動！」宣萱則透露因非洲沒有廁所，要在荒山野嶺「搞掂」：「人生第一次喺大自然大解，開心又緊張，因為驚有野生動物衝出嚟！（唔怕畀人見到？）我用把遮遮住自己！」
子珊則踢爆宣萱在埃塞俄比亞機場時突然喪喊，宣萱解釋：「因為個胃係咁抽住，真係頂唔順！最後冇消毒過就喺屁股打針，個針孔位痛咗10日！」另外，子珊前晚出席亮燈儀式時突然下大雨，她說：「好彩唔係着白色衫，否則就透視喇！」
