剛推出新碟《Queen of Hardships》的劉美君戴着有刺的后冠「登基」，卻直言抗拒被稱「Queen」：「身邊人都係呢幾年先叫我做Queen，佢哋覺得只有我喺樂壇唱呢種歌、行呢個形象，初初我覺得好老土！」雖然貴為天后，但Prudence個性依然親切：「我唔鍾意人哋稱王稱后，後來覺得其實我個人都幾強，唔會講太多私人事，成日自怨自艾嗰啲唔係叫Strong，所以先叫『Queen of Hardships』！」

Prudence坦言喜歡「自己嚟」，習慣先作好個人想法再交予公司：「因為只有自己先最清楚自己想法，所以今次隻碟都係自己監製，以前唱《最後一夜》、《午夜情》都係人哋嘅故事，我都經歷咗咁多嘢，想講自己嘅睇法。」

自認強者勇於承擔

對於主持《超級巨星》曾被喪插，Prudence坦言自覺已做得不錯：「當時無綫想搵我，係要有個音樂背景又肯講嘢嘅人，我冇經驗又冇方向，如果以一般Standard去睇，咁好唔公平！」她坦承自己有弱點，而身為強者就是有勇氣承擔：「強者就係要承認自己有弱點，唔係逞強！好似之前圈中嗰件事（淫照風波），我好有印象，做錯事咪認囉！點解要收埋？我唔會，就係夠強先面對到，弱者咪唔承擔、唔面對囉！」