近日追看無綫劇集《富貴門》，家燕姐感受甚深：「諗起都驚，差啲變咗遺作，好似死過翻生，唔知嗰時自己點拍，當時覺得咩都唔緊要，總之拍咗先，拍拍吓好難話辭演。」家燕姐表示當時膽發炎兼痔瘡流血不止，要即時做手術，為節省休息時間，家燕姐冒險同時做兩個手術，事後經過「檢討」才知道以往有病都「死頂」，而今次差點「頂唔住」，故她明白以後要乖不再「死頂」。

家燕姐抱病拍攝《富貴門》，重看劇集時感觸良多。 資料圖片	家燕姐的工作已交由大女珊珊（右）安排。	向來愛「死頂」的家燕姐，自病愈後已明白健康的可貴。

工作交由大女安排

自此家燕姐的工作已交給大女珊珊安排，生活節奏突然放慢，問到如何適應，她說：「一日只做少少嘢，好似嘥咗啲時間。」向來密密做、密密賺的家燕姐，惟有向珊珊「上訴」：「好似我哋12月去美國出席二仔嘅大學畢業禮，有人搵我登台我想順便接埋，但珊珊話一家人過聖誕至開心，我咪話我上台過聖誕一樣開心，但最後都係唔畀接！」家燕姐明白要珍惜健康，不能令子女及朋友擔心，但有時還是會「堅持」：「年初二我同朋友去杜拜旅行，又有個雲頂登台，今次我堅持要接，有錢會玩得開心啲，珊珊至畀我做咋！」