陳偉霆（William）在過去短短一年接拍九部電影，《竊聽風雲》、《愛出貓》及《美麗密令》等，成為影壇新貴，更慢慢由配角擔正做主角，William說：「多得咁多位導演畀機會我，可以試唔同角色，初頭都幾擔心自己應付唔到，後來就一邊拍一邊學，真係學到好多嘢！」角色地位提升，相信連片酬亦順勢「升呢」，身邊的經理人霍汶希即大爆，原來William的片酬已經相比第一部戲時躍升十倍，他聞言亦即時嚇到O晒嘴：「嘩！咁勁？我一向都冇問過片酬，公司幫我接就去拍囉！片酬好就當然開心到爆啦！」

放大圖片	William承認與Angelababy的緋聞有助雙方人氣。 資料圖片	陳偉霆唔聲唔聲，片酬原來已火速飆升。

對於緋聞女友楊穎（Angelababy）亦踩入影壇拍賀歲片，William說：「好吖！（合作？）我自己就唔抗拒，只係驚佢唔OK囉！」

挑戰同性戀角色

談到電影，William對《春光乍洩》印象最深刻，希望將來有機會嘗試演同性戀角色，散發從未試過的騷味，而他認為古天樂是影壇中的好榜樣，他說：「佢真係超級專業，拍戲之前準備功夫做到好足，拍勁長時間都冇嗌攰，真係要好好向佢學習！」