有份角逐樂壇新人獎的麥家瑜（Keeva），等足年多才有機會推出處女碟，Keeva坦言起初也心急何時出碟：「開頭好心急，都等咗成年，究竟幾時出碟呢？但我想慢工出細貨。（依家鬆一口氣？）係呀！真係鬆一口氣。」Keeva坦言入行至今，過程尚算幸運和順利：「身邊嘅人好錫我，老闆又畀好多機會，公司同事同好多前輩歌手又好幫我，尤其係軒仔（張敬軒），每次出席活動都好照顧後輩，經常提點我！」

等足一年才有機會出碟的麥家瑜，坦言當初也心急如焚。	麥家瑜（右）早前舉行音樂會，獲前輩謝安琪撐場。	麥家瑜感激軒仔經常提點。

激讚對手 互相學習

問到是否有信心奪新人獎，Keeva說：「有嘅！（金銀銅？）梗係攞金獎！即係等如讀書想攞第一一樣！」問到有否留意其他對手，她說：「有留意！個個都有唔同賣點，歌路又唔同，總之個個都有機會，我哋互補不足，互相學習，屬良性競爭！」其所屬唱片公司的女歌手大多已結婚生仔，她笑說：「全公司女歌手得我單身咋！」

提到新專輯《Keeva Mak》，Keeva坦言曲風多元化：「乜嘢類型曲風都有，當中有首歌叫《火滾》，都真係幾Rock，而且歌詞又好，但唱歌難過做戲，我要努力代入歌曲。」