米雪（米記）經常穿梭中港兩地拍劇、到外地做義工，又要照顧家人，卻經常精神奕奕。每有尹志強病情的消息找她，她亦總是在工作中，足證她對男友何等放心，米記長年馬不停蹄，是名副其實的「鐵人紅」，她坦言享受忙碌：「人哋出埋錢畀你出埠做嘢，仲可以增廣見聞喎！有人鍾意上網學嘢，我就鍾意喺現場睇唔同崗位嘅人，一樣可以學到嘢，亦為自己帶來歡樂。（拍劇咁辛苦唔使休息？）有時未埋位瞌吓，加加埋埋六個鐘就夠！」米記將出埠工作當作休息，還會趁機走遠點，見識更多。

米雪笑言每次趁拍劇空檔小休片刻，「加加埋埋」就有足夠精神。

米雪（右）與菊姐於《宮心計》中再「鬥戲」。 資料圖片

在熱爆劇《宮心計》中再一次與關菊英鬥戲，二人感情卻有增無減，由《溏心風暴》系列開始，已培養出默契：「大家交換一個眼神，對方就會識得接戲，出嚟就好睇，依家更加清楚大家嘅Style，臨時出場話畀對方知個感情係點，對方就收到，即刻配合！」

遠離是非圈

米記與菊姐都是低調的人，即使連續於幾個劇「鬥氣」，卻從未傳不和，而且與李司棋、夏雨等經常約會維繫感情，米記說：「我最怕是非，從來唔同人爭，自己冇問題就唔會同人有問題，就係因為怕是非，所以更加小心呢樣嘢。」問到米記看好新一代哪個花旦，冷不防她的答案竟是內地的周迅和李冰冰，果然是「世外高人」。