謝依穎針走牛皮癬

有「翻版蔡依林」之稱的新人謝依穎，因壓力大而患上牛皮癬，全身滿布紅疹。日前她於銅鑼灣睇中醫，以針灸、中藥及浸藥浴3種療法醫治，雖然要被中醫師在身上針逾百針，不過她依然十分堅強，更為牛皮癬病人平反：「呢個病唔會傳染，係免疫系統失平衡同基因有關，而壓力大同天氣影響，都會特別容易發病。」

另外，謝依穎更自爆曾因難忍痕癢而情緒失控，並坦言未知何時康復：「其實早前差唔多好番晒，但做嘢時間長，又冇時間睇中醫，搞到病情又差番！」