堅持做好音樂的許懷欣（Ryan），將推出全新EP《Transformer》，下月的發布會將與好友RubberBand即場Jam歌，純以好歌會友。近兩年不時中港兩邊走，為新碟搵資金的Ryan笑言，於內地酒吧騷遇過不少趣事：「內地酒客好鍾意衝上台請飲酒，我本身唔係好識飲，不過為咗答謝支持，我都會飲一兩啖！」他坦言經常遇到渴睡的直通小巴司機，驚險萬分：「有時架車行行吓行埋一邊，原來係司機瞓着咗！我行埋去叫醒佢，睇吓使唔使停車洗個面，有時甚至想幫司機揸車添！」

懷欣想不到回流發展遇障礙，但沒想過放棄。

懷欣（左）與懷谷跟父親許冠傑合作，父子情深。 資料圖片

雖然是歌神許冠傑之子，但Ryan堅持辛苦搵錢、努力做碟，無非想撇下「歌神許冠傑個仔」的包袱，不想令人誤會他在樂壇「呃飯食」！Ryan笑說：「如果係靠Daddy嘅話，我已經出咗十幾隻大碟啦！」

為港人打氣

不過他坦言回港前沒預料會有這麼多考驗。04年底，歌神決意開騷激勵當時受盡SARS打擊的港人，當時身在聖地牙哥讀大學的Ryan收到爸爸電話，決定返港為大家打氣：「返到香港，發覺環境幾適合我做音樂，決定返嚟發展！」就這樣，香港Band壇又多個中堅分子！