已成為網民必睇的娛樂清談節目《娛樂on Show》，內容抵死啜核，今次更邀得「Sing呢」成功的官恩娜（Ella）及中日代表日華接受訪問，二人在訪問中火花四濺，並暢談促成他們合作的經過。

日華與Ella接受《娛樂on Show》訪問，暢談合作的趣事。	日華與Ella早前在日本拍MV，寓工作於娛樂。	Ella早前在節目中一鳴驚人，成功「Sing呢」。

Ella為日華笠高帽說：「好可惜我識佢之後先聽佢嘅歌，好幸運第一次見面就睇到日華嘅表演，睇完之後，我即刻上YouTube搵番佢嘅MV，連我阿哥都話正！」日華則說：「我喺日本不嬲唱開中、英、日三種語言嘅歌，今次出第三隻碟，唔想又係得自己一個人唱咁Dry，咪問吓王友良有冇好介紹，佢就畀咗Ella嘅歌我聽。我覺得佢真係唱得好好，咁就促成今次Crossover！」

對新碟期望高

另外，Ella還談及突然「Sing呢」一事，她說：「真係估唔到有咁大回響，嚟緊我會出碟，依家對自己更有期望，愈有期望就愈大壓力，好怕自己唱得唔好！」她更大談與醫生男友J先生的關係，原來她與J先生已談過結婚問題，但現在先以事業為重。

至於日華雖然天生一張Baby Face，但原來早已在日本結婚，還有一名叫香華的女兒，他希望日後讓囡囡多學習中國文化，促進中、日交流。