本文重點
黎燕珊、黎淑賢、羅霖、羅麗莎及出爐亞姐等，昨日出席「仁美清敍」重組記者會，亞姐創辦人邱德根亦有出席支持。會長黎燕珊表示曾嘗試聯絡朱慧珊、萬綺雯、張文慈、利智和葉玉卿等，可惜她們興趣不大。問到會否定下會規，重整亞姐形象，黎燕珊說：「當然我哋唔會歡迎犯過刑事嘅人出席，亦都想提高亞姐形象，之前都被渲染太多，咁亞姐質素都好過港姐。（怕女人多、是非多？）是非一定有，但大家都係攞個心出嚟做善事啫！」
至於黎淑賢則穿低胸裙到場，狀態甚勇，更勝當年！她坦言亞姐總決賽沒有邀請她出席，她更提議重整后冠，還略帶不滿地說：「亞視叫我哋今日帶當年嘅獎品，我聽到都『吓』咗三聲，我淨係得條發霉彩帶，都冇后冠，當年嘅塑膠獎座都爛咗，其實我唔介意出錢做，做咗亞姐後，都只係得『亞洲小姐』四個字，都有啲心淡！」當年奪得亞軍的她更表示，昨日才由亞視高層葉家寶口中得知自己當年是候補入選，笑言不知哪個評判這麼沒眼光。
姚佳雯勁甩嘴
而羅麗莎被問到有否收過后冠，她說：「都冇，我都贊成整番個，亞姐20周年時，亞視都整咗個不銹鋼后冠畀我。（會出錢又出力？）唔好成日講錢。」擔任司儀的姚佳雯則不時「甩嘴」，她坦言很緊張。對於被影到「煲煙」，她表示已戒掉，照片是三個月前被拍到的。