今年18歲的Elizabete，剛加入模特兒公司HK Genesis即有不少工作機會，除有份跟古天樂拍戲外，又參與森美小儀的《十人巷》，但Elizabete表示亦有辛酸時：「我好幸運，唔可以話好慘，不過因為我係新人，好多嘢都唔識，有時會被人話，好似之前拍戲NG咗幾次，有工作人員大聲話：『你知唔知自己做緊咩？』好尷尬，所有人望住我，我只好猛講對唔住，當時古天樂見到，安慰叫我放鬆啲。」

Elizabete被封「翻版Baby」，但她不覺得與Baby相似。	Angelababy	Elizabete（左一）曾參加Model選拔賽，與樂基兒（左二）同場。

Elizabete在香港出生，9歲時舉家移居巴西，她說：「好多人以為巴西好開放，其實媽咪唔畀我周圍去，拍拖都唔畀，驚我被人呃，試過暗戀哥哥嘅朋友，對方都話喜歡我，但哥哥唔畀我哋拍拖，仲驚冇咗個朋友。」

Elizabete認為一眼關七、有耐性及常笑是基本的工作態度。

Elizabete愛心爆棚，經常出席寵物活動。

抗拒賣性感

直到年半前回港，她才真正體驗初戀，當時她在名店做Sales，不少狂蜂浪蝶在店內徘徊，令她一度成為同事的眼中釘！之後更有一位男性常客在聖誕節送上朱古力：「初時大家做住朋友先，大約兩個月後就一齊，仲要驚媽咪知我偷偷拍拖。」

現時Elizabete自言以工作為先，亦不要學其他o靚模般只賣弄性感，對於被指跟Angelababy相似，Elizabete搖頭說：「唔覺得似，不過佢真係好靚，唯一話似，我諗係大家個樣都似Mix啩！我希望有個人風格，但我好欣賞Angelababy嘅努力，希望有日都好似佢咁就好。」

Profile

姓 名 ：鄺敏慧（Elizabete）

三 圍 ：32、23、34.5

身 高 ：165cm

入行經過：經朋友介紹加入模界，曾跟古天樂拍戲，以及加入森美的《十人巷》。