樂隊Mr.早前為商場動漫節擔任開幕嘉賓，成員Alan自爆妹妹喜愛玩Cosplay，每年動漫節都會以不同造型現身，他說：「初初我都有問佢做咩搞啲咁嘅嘢，後來連我表弟都玩埋一份，睇睇吓都OK。（啲衫好性感？）佢唔係玩性感，係扮神像嗰啲！」Dash則呼籲歌迷模仿Mr.，笑言成員MJ最易扮，因為只要畫眼線便OK。
另外，Mr.即場為麥兜設計造型，MJ鬼馬地說：「我覺得佢冇褲着好慘，咪幫佢畫條底褲囉！」至於Ronny原來是麥嘜Fans，大讚麥嘜感覺像家人：「細個睇嗰陣只得麥嘜，未有麥兜，後來睇住佢識新朋友同返學，好似睇住佢大咁！」
