向來體弱多病的李綺雯（o靚妹），今年九月曾因哮喘病發暈倒家中，為了有個強健體魄，早前她勤練體能，並挑戰自我，參加《IPU三項鐵人亞洲盃》的繽紛賽事。想不到首次出賽已奪得好成績，她興奮地說：「我原本攞第二名，後來第一名嗰個參賽者啲時間有啲問題被Foul出局，所以我變咗第一！」她直言仍有很大進步空間：「因為冇咩經驗，游水時唔夠人爭位，好彩我各方面都比較平均，最後仲攞咗個冠軍，當係今年嘅生日禮物！」

李綺雯體能增強了不少，可謂「入水能游，出水能跑」！	李綺雯早前參加三項鐵人賽，奪魁而回。	李綺雯有機會扮演精神病患者，直言很有挑戰性。

o靚妹還寄望明年可再度出戰，越級挑戰半專業賽，她說：「其實鐵人賽分專業組、半專業組同繽紛賽事，之前只有一個月時間練習，希望出年有多啲時間備戰挑戰更高難度，即使輸都冇所謂！」

喜演精神病患者

此外，o靚妹最近接拍了一部新劇，有機會扮演精神病患者，她開心地說：「我個樣生得細個，成日做妹妹角色，其實我都可以好成熟，難得今次可以扮精神病患者，覺得好有挑戰性，我會用心揣摩呢個角色。」