在新劇《宮心計》中，曹敏莉（Mandy）飾演的惠妃原本被冷落在後宮，後來因緣際會下一躍即飛，Mandy覺得角色與演員處境有相似地方：「惠妃就係把握到一次機會就成功，同藝人都有相似嘅地方，好多演員都係等緊機會！不過需要機會之餘，演員亦要好好裝備自己，同埋要Enjoy演戲，否則唔可能長線發展，就算機會嚟到都把握唔到！」

入行已一段日子的Mandy，現階段開始享受演戲。	曹敏莉（左起）、蕭正楠及葉翠翠在劇中奉旨鬥戲。 資料圖片	Mandy不介意等待，現已積極磨練演技。

講到機會，Mandy不諱言仍在等待：「我覺得機會經常都會有，只係你察唔察覺到，機會有時唔係咁易察覺，最簡單就係做好每樣工作！雖然我喺《宮心計》嘅戲份唔係好多，不過套劇受歡迎，出到街都好多觀眾叫我惠妃，今次都係一個難得嘅好機會！」

被前輩逼出「戲味」

《宮》劇中，Mandy最難忘遭李國麟逼害的一場戲：「前輩真係好好演技，嗰場戲連網民都讚！其實我當時畀佢（李國麟）『兇』係真驚㗎！啲表情係發自內心，嗰場戲完全靠佢帶我入戲！」