鍾蕙芝（Lavina）昨日出席韓國組合《JUMP Live in Hong Kong 2009》記者會，並即場學跆拳道，她坦言自小已與表兄弟打架，身手不弱，警告大家勿非禮她，埋身一定會出手：「我對男友唔粗魯，亦接受唔到向女仔郁手嘅男仔！」Lavina透露稍後於森美小儀歌劇團《加樽抽》任表演嘉賓：「有獨白環節講入行經歷，唔怕有人柴台，相信森美小儀嘅Fans有禮貌。」而她表示下月將推出月曆及床上用品，不擔心被指抄襲：「性感程度比寫真集仲大膽。」