名模熊黛林（Lynn）早前在內地拍《花田囍事2010》，被踢爆吸煙，前晚她出席《中糧．海景壹號》推介酒會時，即為吸煙一事解畫：「每日只瞓四、五個鐘，我想控制，以後匿埋啲食。（戒煙？）之前都冇食，但太攰冇計，會試吓戒！」問到會否叫郭富城戒，她說：「佢唔食，我知食煙唔好，好耐冇食過。」Lynn又否認與Angelababy爭戲！至於被拍下用腳猜枚，她即掩嘴大笑。另外，她透露在南京買下三個單位，但香港樓價高企，儲錢買樓不易，如買樓會選大坑，因近經理人，跟城城無關。