將於本月27日推出新專輯《Wish》的衞蘭（Janice），穿上貼身衫大玩瑜伽，全身扭曲，做出各種高難度動作，她說：「自己一路都好鍾意玩瑜伽，但做唔到啲高難度動作，今次真係好感激攝影師幫我完成呢個心願！」唱片公司大手筆在逾100架巴士車身上賣廣告，為Janice公布「心願」成真。

Janice為新碟拍唱片封套，擺出高難度姿勢。

變身瑜伽高手的Janice，感到興奮不已。

唱片中，除收錄同名主打歌《Wish》外，Janice更翻唱三首譜上新詞的經典金曲，以及她的28首舊作：「真係好抵㗎！除咗有歌聽之外，仲有17首MV睇，算係我送畀歌迷嘅大禮物！」唱片還未推出，但Janice已獲車廠送車鼓勵。

捱更抵夜冇怨言

此外，Janice近日忙於拍攝電影《FROZEN》（暫名），雖然生活日夜顛倒，但她仍無半點怨言，更要求公司安排更多工作給她：「以前真係會叫公司唔好同時間安排唔同工作畀我，唔係怕辛苦，而係驚自己分唔到心，但後來發現只係自己唔夠信心，好彩有大家鼓勵，我已經學識一心多用，同時間將每個工作都做好。」