曹格昨日專程由長沙飛抵香港出席bma老闆羅傑承投資數百萬的「香港大牌檔」茶餐廳開幕禮，bma旗下藝人群星拱照，包括周麗淇（Niki）、Soler、郭書瑤、Chita、徐浩、梁奕倫及bma Sports副總裁（體運推廣）陳貝兒，老闆羅傑承率領旗下藝人點睛及舞獅採青，剪綵儀式前，曹格突然現身。問他現時心情？曹格說：「OK呀！呢段時間學識好多同睇到好多，依家大部分時間陪屋企人，媽咪都搬埋嚟大馬一齊住。」

香港大牌檔隆重開幕，當然要舞獅助興。	坐人力車出場的Niki，送上著名漫畫家王澤的畫給老闆作賀禮。	陳貝兒（左）與瑤瑤試食餐廳的招牌菜。

少見酒肉朋友

曹格表示已少飲酒，亦少見酒肉朋友，他又透露正接受心理輔導，但沒有食藥：「同醫生講唔想靠藥物，希望用個心同腦去克服。」至於有否聯絡側田？曹格說：「同佢好早已經冇事，係單案唔方便聯絡佢。（今次需唔需要見警方？）應該唔使。」他透露一直有傳短訊給老闆羅傑承：「羅生一直以來都叫我快高長大。（有冇同佢講開演唱會嘢？）你哋幫我問啦！我唔敢問。（怕佢拒絕？）唔會，唔想因為好朋友而做呢件事，我想畀大家睇到我有改變同成長先去做。」

對於早前有傳他在大馬酒店打爛電視，曹格即場否認：「聽過傳聞，覺得莫名其妙。（EQ高咗？）暫時希望係。（完全戒酒？）冇咁諗，每樣嘢適可而止係好。（怕唔怕控制唔到自己？）盡量進步，唔會再令大家失望。」至於工作安排，曹格坦言一直有寫歌，會珍惜工作機會。活動後，曹格乘坐七人保母車離開，直駛北角「港島海逸君綽酒店」。

餐廳懷舊主題

而羅傑承表示去年金融海嘯時與老婆行街，令他萌生開設茶餐廳的念頭，令市民受惠：「個名係我諗，懷舊主題係太太梁芷珊設計。」並透露聘請酒店名廚及經理作員工，而所有職員制服均是Emporio Armani。對於曹格不敢開口提演唱會，羅傑承說：「冇嘢係冇可能，知佢忙緊外面演唱會，睇檔期同場地啦！都想合作，好多歌迷寫信去公司撐佢開騷。」他隨即力撐曹格：「邊個後生仔未錯過？識檢討同改過就得。」