楊千嬅前晚出席Nike Sportswear《AW77-This Is My Hood》Exhibition開幕派對，被問到有報道指老公丁子高有家底，她笑說：「佢底子幾好，健身係托米。」提到丁子高早前被拍到有肚腩，她即笑指要回收所有書，並為老公說好話，指他為人知慳識儉不浪費。
早前有指丁子高獲父親送上豪宅作愛巢，他昨日出席FENDI時裝騷時只承認看過該單位，對送豪宅一事則不置可否，現時與母親居於陽明山莊，問到其母有意送樓？他說：「佢搵緊地方，想搬大啲等千嬅搬埋入嚟住。（千嬅同奶奶住？）佢哋相處得好好，媽咪好錫佢。（千嬅好識氹你媽咪？）唔使氹！我媽咪見到佢都開心。（幾時一齊住？）等出年擺埋酒。」他又否認父親打本給他開公關公司，並自言可以應付。提到千嬅將到北京拍戲，問到可會掛念老婆？他說：「唔一定要分隔咁遠先掛住。」