搵錢密食當三番的周秀娜（Chrissie），靠剝靠露創出o靚模吸金「神話」！入行後，Chrissie對拍拖三年的男友陳偉成（Avis）讚不絕口及為男友接Job。最近有傳她為正職髮型師的Avis交一半租金，不過Avis少返位於佐敦道的髮型屋開工，令照顧之說愈傳愈盛！

近日本報發現Avis在交友網站Facebook內上載多幀照片，他除了喜歡晒其40吋胸肌外，還有鋪「晒女」癮，Facebook中有不下數十張夜蒲「蜜照」，當中不乏攬女，只見Avis與多個辣妹面貼面，左擁右抱盡享齊人之福，更拿着啤酒樽大做反V手勢，又與好友大玩校服派對，可是照片內連Chrissie的影也不見，顯然是當女冇到！

自認阻碇 少搵男友

本報記者昨日致電Avis，對於夜蒲攬女，他解釋：「嗰啲係朋友，唔係唔識嘅女性朋友，我同啲朋友熟先係咁，平時好少落蘭桂坊同酒吧，嗰日係朋友嘅生日派對。」他強調不會因此激嬲Chrissie：「佢當時在場，唔會嬲，佢識晒我啲朋友，冇問題！（被Chrissie照顧？）支筆喺人哋度，點寫都得，Salon係我正職，Modeling係Part Time！」他強調不介意被人說三道四：「唔係事實，點會介意？話佢照顧我，其實係我照顧佢至真！」他解釋少返髮型屋全因外面工作多，但每次開工後都會返髮型屋睇舖：「間舖係我同朋友開，我朋友負責藍田間舖，我留喺佐敦，租金係我畀，我未識Chrissie之前已經開！點會識咗佢之後先叫佢交租，冇人會信囉！」不過，Avis表示不便透露收入，但一定不是傳聞中的4位數。

至於Chrissie前晚出席Nike派對時，坦言不會為男友揀衫。問到平日會否為男友買衫？她說：「一齊行街就會買，如果自己行街見到啱佢嘅都會買。」問Avis是否其御用髮型師？她說：「唔係！佢都好忙，我好少搵佢，費事阻住佢。」