官恩娜(Ella)最近終於被認同「人靚歌甜」,佢同小小So講笑話可能係佢外形太靚,令人察覺唔到佢嘅內在美,仲話細個已被廣告商睇中,屋企有大量陳年廣告作品!
Ella:以前拍落好多廣告,洗髮水都幾多,有啲幾靚,可能咁多年前拍都有啲娘!
小小So:有冇得喺網站睇番㗎?
Ella:冇呀!太耐喇!我自己珍藏先有,全部係錄影帶!
小小So:好想睇吓你以前個樣,睇吓娘唔娘,笑吓都好呀!
Ella:唔好話你啦!我都好想睇番,不過屋企冇錄影機,都唔知點睇!我驚啲帶會發霉,收藏得好好o架!
小小So:係囉!呢啲咁耐嘅廣告都好難搵!
Ella:我都唔怕娘,唔怕畀人笑㗎!如果有人教識我點樣將啲帶過落去DVD度,我唔介意同大家分享我啲「舊樣」!
小小So:我真係好期待!