甄子丹、徐子珊及吳尊與戚玉武昨日出席電影《錦衣衛》記者會，趙薇因病未有來港。提到子珊脫衣色誘一幕，子丹表示其實當時不在場：「唔知係咪導演特登安排！其實我唔除衫啫！可能係導演怕徐子珊自卑，因為我仲大過佢。」他又踢爆子珊拍攝動作場面時烏龍百出：「佢次次打中隔籬個演員！」子丹還踢爆與吳尊初次會面時，對方害羞地要求合照，更讚對方好打得：「佢本身有舞蹈底子，身形好Fit又好大力，有次叫佢出拳打我，佢唔識留力想攞我命咁。」吳尊則指與子丹合作感壓力，但感謝對方提點。他又否認離開飛輪海，並表示與公司的合約尚有一段時間。
