憑34C成功上位的混血女模Jessica C.，前晚為美容護膚品牌《ERNO LASZLO慶祝派對》擔任模特兒，她先後以瑪麗蓮夢露及白色比堅尼上陣，卻因泳衣太薄而失守，風頭蓋過其他嘉賓。

獲女模摸手搽潤膚霜，陳豪即面紅耳熱。

Jessica C.的夢露造型維妙維肖。

「男女授受不親」

當陳豪到場時，大會安排身穿比堅尼的Jessica與另一女模在他的手搽上潤膚霜及合照，令陳豪即時面紅。對於獲大會「厚待」，陳豪坦言目不斜視，還自我比喻為戴了眼罩的馬：「除咗比較性感外，仲有個出奇不意嘅滋潤，真係要讚一讚。佢一出嚟我即時潤晒，我本來想擺個好型嘅甫士，但係畀佢破壞咗。」被記者取笑面紅似腦充血，陳豪即開玩笑說：「見一個就面紅、兩個面青、三個就面白，而且我又冇三隻手。（可以搽面？）唔好。」問他是否擔心女友呷醋？在《宮心計》中飾演皇帝的陳豪即說：「學光王李怡講，男女授受不親。」

另外，Jessica對於日前被拍到與男友拍拖，她坦言因被跟蹤感到不舒服，男友亦大感意外，至於影到她吸煙及喪食，她說：「我係有吸煙，依家戒緊，每日唔會吸多過三支。（怕影響形象？）我唔知食煙對我形象有幾差，但一定唔係好。（同男友出街會否減少親熱行為？）我只係做正常拍拖會做嘅嘢，唔想畀晒所有人睇。」