無綫一年一度的節目巡禮昨晚舉行，藝員與公司齊齊「縮皮」！大會由去年勞斯萊斯改為廿四座接載藝員到場行紅地氈，一線花旦轉玩密實，反而一班「小花」如高海寧、姚子羚及楊秀惠等拋胸凸圍，力壓花旦佘詩曼、陳法拉、郭羨妮與鍾嘉欣等。

有料之人高海寧身穿火紅色晚裝，Deep V胸壓全場，她表示只為配合場合，事前已由經理人過目：「我做足安全措拖，希望着性感啲，將來多啲贊助！（唔怕鹹豬手？）唔怕！」姚子羚則罕有地拉溝上陣，但不時寒背，她說：「我慣咗，會改吓挺起胸膛做人。」

呂慧儀與龔嘉欣齊齊做影「後」，大晒玉背。

龔嘉欣

同樣Deep V上陣的楊秀惠坦言有戴Nude Bra，但效果一般，她說：「我係預防凸點！（唔谷大啲個胸？）自己冇嘢谷！可能呢排跳舞跳得多，用咗嗰度啲脂肪。」她透露獲凌軒珠寶贊助價值逾五十萬元的鑽飾。

鍾嘉欣與郭羨妮身穿露肩裝，但性感程度比不上一班二線女星。

郭羨妮

法拉手執四劇

無綫昨晚亦公布下年度製作的劇集，女藝員之中以陳法拉佔戲最多，共參演四套劇集，男藝員則以黃宗澤最多，同樣參演四套。問到是否被力捧，黃宗澤說：「有啲都唔知拍唔拍得成！我舊年出碟，嚟緊都會拍多啲劇。」法拉則感謝公司支持，明年有份參演《巾幗梟雄之義海豪情》，劇中飾演柴九妹妹。

陳法拉與黃宗澤明年同樣四劇在手。

姚子羚突然低胸上陣，成功搶鏡。

另外，法拉前晚穿着性感透視裙出席派對，但她自言保守，不敢接拍床戲，但否認是男友不喜歡之故。