名模姚予晴（前名姚書軼）早前與楊汀叮、戴小奕及陳碧舸等穿上泳裝拍攝月曆，她表示拍攝過程輕鬆，只需20分鐘便完工，效果滿意：「只係着一套泳衣，影完就OK，好快搞掂！」問到有否落海暢泳，她說：「冇，我唔識游水，二嚟我件泳衣冇綁帶，驚落水，會浮咗件綠色泳衣喺水面，到時真係唔知點算！」問到會否考慮推出寫真，她笑說：「我驚冇咁多Fans幫襯，如果出，我想出多元化啲，平時做模特兒，好多靚衫、靚景、靚相大家都見過，再出呢種型冇乜意思！（出書？）以前都有諗，有段時間都會寫散文、日記，但我冇咩恒心！」
而楊汀叮表示今次是入行以來最性感的一次：「今次着白色三點式，開頭有啲唔慣，要攞條毛巾當浴袍，後尾大膽咗冇再披條毛巾！」她表示若Kim叫她出寫真，她一定不會托手㬹，惟她略嫌身材不夠Fit，故要Keep Fit，她又大讚師姐熊黛林身材無敵，更與其他女仔不停喪
師姐。
