荷里活片《忍者刺客》昨晨11時於首爾樂天酒店舉行記者會，吸引300名傳媒採訪。西裝骨骨的Rain以英語自我介紹，飾演忍者的他需由頭打到尾，訓練8個月中，每天接受6小時武術及體能訓練，令身體零脂肪及弄得周身瘀痛，他表示片中9成動作戲都是親自上陣：「試過傷，但係光榮嘅傷痕！」他承認看過成龍及李小龍的電影作參考。

Rain坦言拍攝過程辛苦曾想放棄，最終因三個理由打消放棄念頭：「我曾經向粉絲承諾拍套世界叫好嘅電影；第二係自尊心，當我好艱難舉起100公斤啞鈴嗰陣，曾經教過畢彼特同麥迪文嘅工作人員故意激我話：『佢哋比你有毅力！』呢句話激起我嘅鬥心；第三係我要做出成績，向寫衰我嘅傳媒證明佢哋報道失實！」提到亡母，他說：「阿媽生前每日5點起身返工，做到夜晚12點返屋企，仲要做家務，諗到呢度，幾辛苦都要捱落去。」

感激朴震榮

Rain自言人生遇過三次機會，首先是遇上恩師朴震榮及《極速賽車手》導演華高斯基兄弟，其次是華高斯基兄弟找他拍攝《忍》片，故他希望《忍》片有好票房，讓更多韓星能進軍荷里活。至於《忍》片將於本月26日於香港及韓國上映，韓國而把該電影列為三級。《忍》片則計劃拍續集，Rain亦有多套荷里活片正洽談中。