鄭伊健昨日出席記者會，宣布下月中重踏闊別11年的紅館開騷，贊助商送上兩隻共約值200萬元的鑽錶，現場又有比堅尼女郎送羽毛球拍，玩盡他和蒙嘉慧的打波情緣，而伊健更大方攬着比堅尼女郎合照。
嘉賓除了好友陳小春外，伊健更將舊愛「奪麵雙琪」擺上枱，他搞笑地說：「仲有性感女神，就係阿琪。（梁詠琪？）你哋自己估。（會唔會請兩個舊愛梁詠琪同邵美琪睇騷？）唔知，好難講，我私下仲有好多唔同感情，夠開一場。（安排現任女友同舊愛分開坐？）唔使，佢（蒙嘉慧）自己買飛，佢兩場都睇。（請女友上台？）佢唔識唱歌，盞大家驚。」不過，據知舒淇才是今次的神秘嘉賓，而伊健為了個唱積極健身，笑言已有42吋岩石胸和6舊腹肌。
