獲邀為Blythe設計新形象的Cc，捧着心血結晶訴說設計過程的辛酸：「設計服飾畀Blythe着，絕對唔簡單得過設計畀真人着！因為要考慮嘅嘢比真人多，公仔咁細，有時概念上諗得到，實際技術上未必行得通，所以今次我用咗成個星期，捱咗幾晚通宵，先完成Blythe嘅新Look。我今次嘅設計宗旨係希望令Blythe迷有耳目一新嘅感覺！」

曹卓榣為Blythe設計「未來派」打扮，寓意深長。	曹卓榣捧着親自設計的Blythe，愛不釋手。	曹卓榣設計的Blythe將進行慈善拍賣，勢必吸引粉絲爭相競投。

做Sample拮親

變身設計師的Cc逐一講解設計理念：「今次我主要用黑色做主色調，但黑色冇其他顏色咁Sharp，所以我就喺其他Detail位度做番多啲特色，例如我為Blythe做咗一件毛冷斗篷，又配咗對Lace手襪，下身就做咗條熱褲，營造一冷一熱嘅對比！此外，我仲幫佢安排咗一對及膝嘅型格黑Boot，突出Blythe嘅Modern Image，呢個設計名為『未來派』，寓意要對未來充滿希望！」她坦言為改造Blythe絞盡腦汁，製作Sample時更曾被針拮傷手：「但係好開心我設計嘅Blythe，早排喺展覽會度得到唔錯嘅回響，真係不枉我咁畀心機去設計囉！」

向時裝書取經

Cc為Blythe的新造型費盡心思，畫了多張設計圖才得出最後定案。她表示參考不少時裝書來吸取設計靈感，對於大會稍後將其作品進行慈善拍賣，她坦言心思思欲投回自己的心血！