甲型流感），搞到曾經同嗰位助導有接觸嘅馬浚偉、蒙嘉慧同工作人員，個個都人心惶惶，好在冇人被傳染！不過，早排又有傳新城電台發生疑似確診個案，搞到新城班DJ驚到不得了，小小So打畀范振鋒關心一下。

小小So：有傳貴台有豬流感喎？

范振鋒：唔係，只係陳禮賢病咗，不過佢唔係豬流感！

小小So：佢有冇事呀？

范振鋒：佢好番好多，不過仲有少少唔舒服，其實全台DJ都輪住嚟病，我都病咗好耐！

小小So：你哋有咩防疫措施？

范振鋒：叫啲員工積極做足預防措施，而DJ每次進入直播室時，都要消毒個咪同噴消毒噴霧，千祈咪掉以輕心！

小小So：知道陳禮賢唔係豬流感，係咪放心晒？

范振鋒：其實陳禮賢等出醫療檢查報告期間，大家都好怕中招！好在佢唔係，咁都放心啲！